Viktor Orban, kryeministri i Hungarisë është siguruar të marrë të gjithë vëmendjen me komentet e tij mbi Lionel Mesin në një intervistë për revistën sportive “Nemzeti Sport”. Si një i apasionuar pas futbollit, politikani është edhe një ndër fansat më të mëdhenj të “Pleshtit” dhe nuk e ka fshehur këtë dhe në deklaratat e tij.
“Diskutimi është zgjidhur, nuk besoj se ka më dyshime mbi këtë temë: Mesi është më i miri i të gjitha kohërave. Nuk besoj se ka një histori të krishterë më të pastër se kjo. Fitorja e tij dhe e Argjentinës është e shkruar, është ashtu si thuhet në Bibël:
“I vogli (referuar nofkës “Pleshti”), do të jetë më i madhi. Ashtu ndodhi”, u shpreh kryeministri hungarez që pavarësisht gjithë kësaj, nuk hezitoi të komplimentonte Mbapenë për paraqitjen e tij: “Mbape ishte special dhe i jashtëzakonshëm dhe në finale e bëri të qartë që është ai pretendenti kryesor për fronin që mban Mesi”.
PANORAMASPORT.AL
